२० असोज, काठमाडौं ।
कक्षा १२ को शिक्षा, मानविकी र व्यवस्थापन विषयको परीक्षाफल प्रकाशित भएको छ । यस वर्ष शिक्षा, मानवविकी र व्यवस्थापन विषयमा ३९ दशमलव ०४ प्रतिशत उत्तीर्ण भएका छन् ।
१ लाख ९१ हजार ४ सय ९६ परीक्षार्थीमध्ये ७४ हजार ७ सय ६४ विद्यार्थी उत्तीर्ण भएका छन् ।
आंशिकतर्फ भने २९ दशमलव ९९ प्रतिशत उत्तीर्ण भएका छन् । आंशिकतर्फ १ लाख ३६ हजार १ सय ५५ जना परीक्षार्थीमध्ये ४० हजार ८ सय २९ जना उत्तीर्ण भए ।
परीक्षा नियन्त्रण कार्यालयका अनुसार नियमिततर्फ २२ परीक्षार्थीको नतिजा स्थगित भएको छ भने ९९ जनाको रद्द भएको छ । आंशिकतर्फ १८ जनाको स्थगित भएको छ भने १ सय ४ जनाको रद्द भएको छ । कक्षा १२ को विज्ञान विषयको परीक्षाफल भने यसअघि नै प्रकाशित भएको थियो ।
