बुटवल असोज १८ ।
रुपन्देहीको बेलहिया नाकामा आजपनि झडप भएको छ । आन्दोलनकारीले प्रहरीलाइ ढुंगा हानेका छन् ।
ढुंगा लागेर सशस्त्र प्रहरीका ५ र जनपदका ३ प्रहरी घाइते भएको घटनास्थलमा रहेका नागरिक आवाजका भैरहवा सम्बाददाता गोपाल बञ्जाडेले जनाएका छन् ।
इलाका प्रहरी कार्यालय बेलहियाको प्रहरी गाडिमा क्षति पुगेको छ ।
मधेशी मोर्चाका कार्यक्रताहरुले बेलहिया नाका ठप्प पारेपनि अहिले भने प्रहरीले उनीहरुको भिडलाइ तितरबितर बनाएको छ ।
पक्राउ पर्नेहरुमा आन्दोलनकारीहरु रमेश यादब शिबदास यादब र रामु यादब रहेका छन् उनीहरु प्रहरी नियन्त्रणमा छन् । आन्दोलनकारीहरुले उता दशगजा क्षेत्रमा अहिलेपनि आन्दोलन गरिरहेका छन् ।
