काठमाडौं, ४ असोज - काठमाडौंका २ र ललितपुरको एउटा स्कुलमा बम भेटिएको छ। जोरपाटी स्थित दुई वटा स्कुलमा भने अज्ञात समुहले बम विष्फोट गराई सकेको छ।
जोरपाटीको दक्षिण ढोकामा रहेको मनकामना उच्च मावि र आकाशदिप इङलिस सेकेण्डरी स्कुलमा आज बिहानै अज्ञात समुहले बम विष्फोट गराएको प्रहरीले जनाएको छ।
मनकामना उच्च माविको गाडी पार्किङ गर्ने ठाउँमा र आकाश दिप स्कुलको गेटमा विष्फोट गराईको छ। विष्फोटबाट स्कुलमा सामान्य क्षेती पुगेको छ। मानविय क्षति भने नभएको प्रहरीले जनाएको छ।
त्यस्तै काठमाडौंको डल्लुस्थित कञ्चजजंघा स्कुल, बौद्धस्थित राई स्कुलमा विहानै शंकास्पद वस्तु भेटिएको प्रहरीले जानकारी दिएको छ।
त्यस्तै ललितपुरको रेडियन्ट स्कुलमा पनि प्रेसरकुकर बम भेटिएको छ।
शंकास्पद वस्तु भेटिएको स्थानमा योंङ कम्युनिष्ट फोर्स र अखिल नेपाल राष्ट्रिय स्वतन्त्र विद्यार्थी केन्द्रको पर्चा भेटिएको छ। बम भेटिएको स्थानमा सेनाको बम डिस्पोजल टोली पुगेको छ।
