२९ असोज, काठमाडौं । यू-१९ विश्वकप छनोट क्रिकेटमा नेपाली कप्तान राजु रिजालले शतक बनाएका छन् । राजुको शतकसँग नेपालले युगाण्डासामू २४२ रनको लक्ष्य प्रस्तुत गरेको छ ।
मलेसियाको सेलोङ्गर टर्फ क्लबमा टस जितेर ब्याटिङ गरेको नेपालले ५० ओभरमा ७ विकेट गुमाएर २४२ ररन बनायो ।
नेपालको सुरुवात राम्रो रहेन । १३ रन जोड्दा दुई विकेट गुमाएको नेपालको पारी कप्तान राजुले सम्हाले । उनलाई योगेन्द्र कार्की र आरिफ शेखले साथ दिए ।
राजुले तेस्रो विकेटका लागि योगेन्द्रसँग ८४ रनको साझेदारी गरे भने आरिफसँग ९० रनको पार्टरसिप गरे । ४२।१ ओभरमा छक्का हान्दै शतक पुरा गरेका राजुले दोस्रो बलमा एक रन बनाए ।
ओभरका चौथो बलमा क्याच आउट भए । ११५ बलको सामना गरेका उनले ७ चौका र एक छक्का हाने । जारी यू(१९ विश्वकप छनोटमा शतक प्रहार गर्ने उनी पहिलो क्रिकेटर हुन् ।
आरिफले ५४ रन बनाए भने योगेन्द्र ३० रनमा आउट भएका थिए । अन्य ब्याट्सम्यानले भने दोहोरो अंक जोड्न सकेन ।
