संखुवासभा, असोज १५ -संखुवासभाका छुटाछुट्टै स्थानमा २ जनाको हत्या भएको छ । हत्यामा संलग्न रहेको आरोपमा प्रहरीले दुई जनालाई पक्राउ गरेर सार्वजनिक गरेको छ । खाँदवारी नगरपालिका ९ पाङ्ठाकी २७ वर्षकी सकुन्तला कोइराला ९तामाङ० र नुम १ का २७ वर्षे पुष्पबहादुर तामाङको हत्यामा संलग्न अभिभुक्त सार्वजनिक गरेको हो ।
सकुन्तला पाङ्ठास्थित आफनै घरमा छिमेकी १८ वर्षे टंक आचार्यले ३ दिनअघि घाँटी थिचेर हत्या गरेको डिएसपी कृष्णहरि शर्माले बताउनुभयो । सकुन्तलाको रिसिइवी र नगद लुट्ने मनसायले हत्या गरेको आचार्यले बताउनुभयो । हत्यापछि उनले सकुन्तलाको घरवाट सुन, नगद, मोवाइल र क्यामरा लुटेका प्रहरीले जनाएको छ ।
त्यसैगरी नुम ४ का २७ वर्षे पुष्पबहादुर तामाङलाई छिमेकी धनकुमार तामाङले दाउराको चिर्पटले हिर्काएर हत्या गरेको प्रहरीले जनायो । घरमा सुतिरहेको अवस्थामा धनकुमारले कुटपिट गरेका थिए । कुटपिटबाट गम्भीर घाइते भएका पुष्पबहादुरको उपचारको क्रममा ३ दिनपछि ज्यान गएको थियो । उनीहरुलाई कर्तव्य ज्यान सम्बन्धी मुद्दा दायर गरिएको डीएसपी शर्माले बताउनुभयो ।
