बुटवल, कात्तिक ९ – रुपन्देहीमा जुवाडेको आक्रमणबाट एक जना प्रहरी गम्भीर घाइते भएका छन् । तिलोत्तमा नगरपालिका कुञ्जलापुरमा जुवा खेलेको ठाउँमा छापा मार्ने क्रममा जुवाडेको आक्रमणबाट एकजना प्रहरी गम्भीर घाइते भएका हुन् ।
भिमबहादुर थापाको घरको आगनमा खेलाइएको जुवाको खालमा छापा मार्दा जुवाडेको आक्रमणमा परि प्रहरी जवान पदम घिमिरे घाइते भएको प्रहरीले जनाएको छ । घिमिरेको टाउकोमा ५ वटा टाँका लगाइएको छ । जुवा र आक्रमणमा संलग्न ४ जनालाई पक्राउ गरिएको प्रहरी नायब उपरीक्षक दिलीप घिमिरेले जानकारी दिनुभयो ।
