स्याङ्जा र पाल्पाको सिमानामा राम्दी प्रहरीले गर्यो ५ जना चोर पक्राउ ।

स्याङ्जा, २६ भदौ

स्याङ्जा र पाल्पाको सिमानामा रहेको राम्दी प्रहरी चौकीले दर्लामडाडा–७, पाल्पाका गाउमा चोरी गर्दै हिडेका पाँच जनालाई पक्राउ गरि जिल्ला प्रहरी कार्यालय पाल्पामा बुझाएको छ ।

पक्राउ पर्नेहरुमा जयनगर–८, रुपन्देहीका साबुदिन पठान, नवलपरासीका भोला पाण्डे, कप्पु पाण्डे, विजय पाण्डे र रिजेट पाण्डे रहेको राम्दी प्रहरी चौकीले जानकारी दिएको छ ।

राम्दी प्रहरी चौकीका प्रहरी प्रमुख रन्जित कुमार के.सी.को नेतृत्वमा गएको टोलीले चोरी गर्दै हिडेकालाई पक्राउ गरेको हो ।

राम्दी वरपर चोरी, लुटपाट, डकैती र धम्काउदै हिड्ने कुनैलाई नछाड्ने प्रहरी प्रमुख के.सी.ले जानकारी दिए । चौकीमा प्रमुख के.सी. प्रमुख भएर आए पछि शान्ति सुरक्षा कायम भएको स्थानीयहरुले बताएका छन् ।