दसैँको बेला दोहोरो गाडी चल्ने गरी सडक बनाउने निर्णय भएको जिल्ला टाफिक प्रहरी कार्यालय चितवनका प्रमुख राजन भेटवालले बताउनुभयो । अघिल्लो वर्षको वैशादेखि निर्माण कार्य सुरु गरिएपछि हरेक दिन सडक जाम हुँदै आएको छ । एक घण्टामा पार हुने सडक यात्रा पूरा गर्न ११ घण्टासम्म लाग्दै आएको थियो ।
नारायणगढ–मुग्लिन सडक निर्माण अयोजनाका प्रमुख चन्द्रनारायण यादवका अनुसार दसैँको बेला ५ वटा लोडर, ६ वटा ट्रिपर र तीनवटा ट्यांकर चालु अवस्थामा राखिनेछ । धुलो उडन नदिनका लागि सडकमा पानी अनिवार्य राखिने पनि उहाँले बताउनुभयो । नारयाणगढबाट मुग्लिनसम्म गाडीको यात्रा गर्दा अहिले ७० मिनेट लाग्दै आएकोमा अब ३५ मिनेटमा पार गर्न सकिने लक्ष्य राखिएको छ ।
