मोदी र देउवा बिच भेटवार्ता नहुने
आँधीखोला अनलाइन | प्रकाशित मिति : २०७२ चैत २८ आइतबार
काठमाडौं । नेपाली कांग्रेसका शभापति शेरबहादुर देउवा भारत जाँदैछन् ।
देउवा श्रीमती आरजु राणा देउवाको स्वास्थ्य उपचारको लागि उनी भारतको दिल्ली जाने भएका हुन् ।
खुट्टा सम्बन्धि समस्या झेलिरहेकी आरजु देउवा बैशाख ३ गते दिल्ली प्रस्थान गर्ने भएकीछन् भने ५ गते आरजुकी भाई भुषण राणा पनि दिल्ली जाने तयारीमा छन् ।
त्यसै गरि शभापति शेरबहादुर देउवा बैशाख ७ गते भारतको दिल्ली उड्नेछन् । ८ गते आरजुको खुट्टाको अप्रेसन नोयोडा स्थित एक हस्पिटलमा हुने भएको छ ।
आरजुको खुट्टाको अप्रेसनका लागि देउवा आफै हस्पिटलमा खट्ने छन् । बैशाख ९ गते देउवाले भारतीय जनता पार्टीका अध्यक्ष अमित शाहलाई भेट्नेछन् । त्यसै गरि उनले अन्य पार्टीका उच्चस्तरिय नेताहरु भेट्ने छन् । भेटवार्तामा समसामयीक राजनीतिक परिस्थितिबारे छलफल हुने बताइएको छ ।
यस पटकको भारत भ्रमणमा देउवाले प्रधानमन्त्री नरेन्द्र मोदीसगँ भेटवार्ता हुने छैन् । अहिले सम्म मोदी र देउवा बिच भेटवार्ता हुने कार्यतालिका नबनेको दिल्ली स्थित समाचार स्रोतले न्यूज अभियान डट कमलाई बताएको छ । देउवा १० गते स्वदेश फर्कनेछन् ।
