कैलाली, साउन २५ ।
बालश्रम शोषण गरेको भन्दै धनगढी नगरपालिका वडानम्बर ५ हसनपुरका राम बहादुर केसी र उनको श्रीमती गोमा केसीको नाममा बालश्रम विरुद्ध श्रम कार्यालय धनगढीमा गरिएको मुद्धाको फैसला भएको छ । प्रतिवादी राम बहादुर केसी र उनका श्रीमती गोमा केसीको नाममा बालश्रम विरुद्ध श्रम कार्यालय धनगढीमा २०७० साल चैत्र १४ गतेका दिन आरेक नेपालले धनगढी श्रम कार्यालयमा मुद्धा दर्ता गरेको थियो । चौमाला गाविस राजीपुर निवासी वर्ष १५ कि बालिका सिमा गुरुङलाई ९ वर्षको उमेरदेखि घरेलु कामदारको रुपमा राखी जोखीमपुर्ण काम लगाउनुको साथै विभिन्न शारिरीक तथा मानसिक यातना दिएको घटनाविरुद्ध ओरकले मुद्धा दर्ता गरेको थियो । २०७१ साल साउन १९ मा गरेको श्रम कार्यालयको निर्णय अनुसार बालश्रम ऐन अनुसार राम बहादुर केसी र गोमा केसीलाई जनही दश हजार रुपैयाा जरिवाना र पीडित बालिकालाई क्षतिपूर्तिस्वरुप दुवै जनाले एकमुष्ठ रकम ६४ हजार रुपैयाँ मात्र दिनुपर्ने निर्णय गरेको जनाइएको छ । जरिवानाको रकम श्रम कार्यालयमा दाखिला गर्ने र क्षतिपूर्ति बापतको रकम पीडित बालिकाको खातामा जम्मा गरिनु पर्ने समेत फैसलामा उल्लखे गरिएको छ । साथै समयमा नबुझाएमा प्रचलित कानुन बमोजिम सरकारी बााकी सरह असूल उपर गर्ने निर्णय समेत अदालतले गरेको छ ।
Source: Sancharika Online
